Á þessari síðu eru dregin saman gögn úr ýmsum rannsóknum Íslenskrar erfðagreiningar (ÍE). Þau eru ekki fengin úr Heilsurannsókninni, en fjalla að hluta til um þætti sem þar eru mældir.

þátttakendur í Heilsurannsókninni fá strax að rannsókn lokinni afhentar niðurstöður valinna mælinga. Þar á meðal eru mæligildi fyrir hæð, þyngd, blóðþrýsting og beinþéttni, en hér á síðunni eru gögn um þessa þætti úr fyrri rannsóknum ÍE, sem þátttakendur geta skoðað til samanburðar og fróðleiks.