HEILSURANNSÓKN
Í heilsurannsókn Íslenskrar erfðagreiningar eru rannsökuð tengls erfða-, umhverfis og heilsu. Um þessar mundir er sérstök áhersla lögð á langvinnar afleiðingar COVID-19 faraldurins. Þátttakendur fá valdar niðurstöður úr eigin mælingum og stuðla um leið að aukinni þekkingu á orsökum sjúkdóma.
HVERS VEGNA HEILSURANNSÓKN?
Tilgangur rannsóknarinnar er að skoða hvernig erfðir og umhverfi hafa áhrif á heilsu. Með því að safna upplýsingum um heilsufar og bera saman við erfðaefnið er hægt að komast nær áhættuþáttum og orsökum sjúkdóma. Slík þekking getur leitt til nýrra leiða til að fyrirbyggja og meðhöndla sjúkdóma.
HVERJIR TAKA ÞÁTT?
Til að rannsaka afleiðingar COVID-19 á heilsufar, bjóðum við nú til þátttöku í Heilsurannsókninni, einstaklingum sem hafa greinst með SARS-CoV-2 veiruna eða mótefni gegn henni.
Til samanburðar er einnig boðið einstaklingum sem ekki hafa greinst með veiruna eða mótefni gegn henni.
HVAR?
Þjónustumiðstöð rannsóknaverkefna | Turninn, Smáratorgi 3, 201 Kópavogi, 4. hæð. | Sími 520 2800. Opið alla virka daga frá kl. 8-16.